كان سألونا نحن منن
كان سألونا نحن منن نحن المن الكرام ناسلين
ونحن المهدي سيف الحق ونحن خليفتو ود تورشين
ونحن الحررو السودان ودقو أوتادو بالجنبين
أصحاب الأمام المهدي زين فوق زين
أسود المعركة الغر الحجال بينين
نحن سماحة التاريخ ونحن خلاصة الدارسين
ونحن القدنا صولات عزونحن كتبنا للتاريخ زمان ودحين
ونحن المر نلوكو صبر ونحن السجد الصايمين
ونحن الجندلو الغردون وخلو جيوشو محتارين
ونحن الغابة فى شيكان ونحن الموقعة ام علميت
ونحن جزيرة السوار أبانا الشامخة بالنيلين
ونحن الطابية في أمدرمان والقبة الاساسها متين
ونحن الصادق الصديق ونحن المقبرة أم روحين
شريعة الحق نناصرها نحنا شرعيين
عشان أجدادنا كانو القدوة والعارفين
عشان مبدانا ثابت وما سلك دربين
عشان المهدي كبر بوة في الميدان وجندل عصبة الغاصبين
ونحن البلد البهز ويرز ونحن الشهدا مخضوبين
ونحن سماحة البلد البهلل وناسا متباشرين
ونحن الجاسر المرصوف بيتحدث شمال ويمين
ونحن أب عزبه ساعة الجد نكون زي السيوف قاطعين
ا
ليست هناك تعليقات:
إرسال تعليق